२५ लाखाचे फुले चौकाचे सौंदर्यीकरण रखडले……
नगरपरिषदच ठरली अडसर?
मुल : शहरातील महात्मा फुले चौकाचे सौदयींकरण ठरले. एजन्सी निश्चित झाली. बांधकाम सुरू करण्याकरीता वर्क ऑर्डर झाला. सा. बा. विभाग काम करायला चातकासारखी वाट पहात आहे. मात्र ९ महिने लोटायला येऊनही न. प. अखत्यारीत असलेले सदर सौदयींकरण न. प. च्या बेजबाबदार पणाने रखडले असून माळी समाज प़चंड संतापला आहे. सत्ताधारी पक्षाचे नगरसेवक तुकाराम गुरनूले यांनी उपोषणाची धमकी देऊनही न. प. प्रशाशनाच्या नाकावरील माशी न उडाल्याने प्रकरण आमदार मुंगटीवार यांचेकडे गेले, माळी समाजाचे वतीने समता परिषदेचे राकेश मोहुलै यांनी आ. मुनगंटीवार यांना निवेदन दिले.
आमदारांनी न. प. मुख्याधिकारी यांचे कान टोचले मात्र अतिक्रमीत जागेवर न. प. चाच असलेला बिऱ्हाड न. प. केव्हा हटव़ेल व सौदयींकरण केव्हा सुरू होईल याची शहरवासीय वाट पहात आहेत.
प्रशाशक काळात महात्मा फुले चौकाचे सौदयींकरण करण्याकरीता 25 लक्ष रूपये प्रस्तावीत झाले होते. चौकाचे सौदयींकरण करण्याकरीता आजूबाजूचा बिऱ्हाड हटविणे आवश्यक आहे. तसे अनेकदा सा. बा. विभागाने न. प. ला कळविले आहे.
कल्याणी मजूर संस्थेला सदर काम देण्यात आले आहे. 31आक्टो.2025 ला कामाचे वर्क ऑर्डर झाले. जवळपास 9 महिने होऊनही न. प. चे बिऱ्हाड न उठल्याने सौदयींकरणाला सुरू झालेली नाही.
महात्मा फुले चौक परिसरात न. प. चा आर.ओ, एक शेड व काही न. प. ने लावलेल्या खुर्चीचा समावेष आहे. 9 महिने
लोटूनही सौदयींकरणाला न. प. चाच अडथळा कारणीभूत ठरला आहे हे विशेष. या सौदयींकरणा बाबत माळी समाजाची मोठी उत्कंठा आहे. भा. ज. पा. युवा मोर्चा उपाध्यक्ष सुरज मांदाडे यांनी सुदधा पाठपुरावा केला होता मात्र न. प. प़शाशनाची मुजोरी कायम राहिल्याचीच चर्चा राहीली.
