“छत्रपती शिवाजी महाराज महसूल अभियान” पोंभुर्णा तालुक्यात येत्या १४ मार्च पासून राबविण्यात येत आहे.
पोंभुर्णा, दि. २ मार्च २०२६:
महाराष्ट्र शासन यांच्या निर्देशानुसार उपअधीक्षक भूमी अभिलेख, पोंभुर्णा (जि. चंद्रपूर) कार्यालयामार्फत तालुक्यात “छत्रपती शिवाजी महाराज महसूल अभियान” राबविण्यात येणार आहे. या अभियानाचा मुख्य उद्देश नागरिकांना महसूल विषयक सेवा पारदर्शक, जलद आणि सुलभ पद्धतीने उपलब्ध करून देणे हा आहे.
अभियानांतर्गत तालुक्यातील विविध ठिकाणी सकाळी ११.०० ते सायंकाळी ५.०० या वेळेत विशेष महसूल शिबिरांचे आयोजन करण्यात आले आहे. या शिबिरांमध्ये जमीन अभिलेख दुरुस्ती, फेरफार नोंदी, नकाशे, प्रलंबित प्रकरणे निकाली काढणे तसेच तांत्रिक अडचणींचे तात्काळ निराकरण करण्यात येणार आहे.
📅 नियोजित शिबिरांचे दिनांक:
• १४ फेब्रुवारी २०२६ स्थळ:-ग्रामपंचायत परिसर उमरी पोतदार
• १० मार्च २०२६ स्थळ:- ग्रामपंचायत सभागृह नवेगाव मोरे
• १७ मार्च २०२६ स्थळ:- ग्रामपंचायत सभागृह चिंतलढाबा
• ०८ एप्रिल २०२६ स्थळ:- राजराजेश्वर मंदिर सभागृह पोंभुर्णा
संबंधित अधिकारी श्रीमती माधुरी गोमासे उपाधिक्षक भूमी अभिलेख पोंभुर्णा , श्री संदिप मा भंडारे निमतानदार शिबिरस्थळी उपस्थित राहून नागरिकांच्या तक्रारी व अर्ज स्वीकारणार असून आवश्यक मार्गदर्शन करणार आहेत.
तालुक्यातील सर्व नागरिकांनी आवश्यक कागदपत्रांसह नियोजित तारखांना उपस्थित राहून या अभियानाचा लाभ घ्यावा, असे आवाहन उपअधीक्षक भूमी अभिलेख, पोंभुर्णा कार्यालयाकडून करण्यात आले आहे.
जारीकर्ते: माधुरी गोमासे
उपअधीक्षक भूमी अभिलेख, पोंभुर्णा
जि. चंद्रपूर
