विरखल येथील घरात घुसलेल्या अस्वलाला वनविभागाने केले जेरबंद
सावली प्रतिनिधी रोशन बोरकर
सावली – दिनांक २७/०२०२५ सावली वनपरिक्षेत्रातील उपवनक्षेत्र व्याहाड, नियतक्षेत्र गायडोंगरी अंतर्गत मौजा विरखल चक चे शेतशिवार व गाव शिवारात मागील चार पाच दिवसांपासून वन्यप्राणी अस्वलाचा वावर गावकऱ्यांना निदर्शनात येताच याची माहिती वनविभागाला देण्यात आली. मागील चार ते पाच दिवसांपासून नियत क्षेत्र वनरक्षक गायडोंगरी व PRT टीम निफांद्रा अस्वलावर लक्ष ठेऊन होते.
दिनांक २६/०९/२०२५ रोजी रात्री ८ वाजता च्या सुमारास गावाजवळ आली असता गावातील लोकांनी आरडाओरड केली असता भीतीने अस्वल चिंचेच्या झाडावर चढली. सदर अस्वल रात्रभर झाडावरच होती, परंतु पहाटे ५ वाजताच्या सुमारास अस्वल झाडावरून खाली उतरून विरखल चक येथील श्री. भास्कर लक्ष्मण मारभते यांच्या नवीन बांधकाम सुरू असलेल्या घरात घुसली, हे दृश्य बघत असलेल्या वन विभागाचे गस्तीवर असलेल्या वन कर्मचाऱ्यांनी तत्काळ सदर घराचे दरवाजे बंद करून याबाबत वरिष्ठ अधिकारी यांना माहिती दिली.
विकास तरसे सहाय्यक वनसंरक्षक वन विभाग चंद्रपूर यांच्या मार्गदर्शनाखाली विनोद धूर्वे वनपरिक्षेत्र अधिकारी सावली यांच्या नेतृत्वात श्री घनश्याम नायगावकर वन परिक्षेत्र अधिकारी, कु. इंगळे परिविक्षाधीन, वन परिक्षेत्र अधिकारी डॉ. कुंदन पोडचेलवार पशुधन विकास अधिकारी टी टी सी चंद्रपूर RRU टीम चंद्रपूर यांनी अस्वलास पिंजऱ्यात जेरबंद केले.
अस्वलास पुढील उपचाराकरिता TTC चंद्रपूर येथे हलविण्यात आले असून गावकऱ्यांनी अस्वल पकडल्याने सुटकेचा श्वास घेतला आहे, अस्वलाला बघण्यास हजारोच्या संख्येने गर्दी जमा झालेली होती.
