तालुक्यात व्हायरल आजाराचे रुग्ण
सरकारी सह खाजगी दवाखान्यात रुग्णांची गर्दी
सावली प्रतिनिधी रोशन बोरकर
सावली – दिनांक २७/०९/२०२५ सकाळ, दुपार ऊन तर रात्री पाऊस या बदलत्या वातावरणाचा मानवी आरोग्यावर परिणाम दिसून येत आहे, यामुळे तालुक्यात व्हायरल आजाराचे रुग्ण दिसत आहेत. सरकारी सह खाजगी दवाखान्यात रुग्णांची मोठी गर्दी दिसून आहे.
तालुक्यातील प्राथमिक आरोग्य केंद्र, ग्रामीण रुग्णालय सह खाजगी दवाखान्यात सर्दी,ताप , खोकला, डोकेदुखी,मलेरीया आदी आजाराचे रुग्ण दिसत आहेत, या आजाराने चिंता वाढली असून तालुक्यातील बहुतेक कुटुंबात याचे रुग्ण दिसत आहे तर शहरातील ग्रामीण रुग्णालयात दररोज २०० ते २५० रुग्ण येत असून गर्दी वाढत चालली आहे. तर काही रुग्ण खाजगी दवाखान्यात जात असल्याने तिथेही रुग्णांचे प्रमाण दिसत आहे.
पाणी साचते तेथे डास तयार होतात,त्यातुनच आजार होतात,डेंगु, टायफॉइड ,मलेरीया आदी विविध आजारांची लक्षणे सर्दी, ताप,खोकला , डोकेदुखी यासारखी असल्याने व्हायरल आजाराचे रुग्ण तालुक्यात दिसून येत आहेत. तालुक्यातील व्हायरल आजाराचे रुग्ण दिसत आहेत, रुग्णालयात त्यांच्या वर योग्य उपचार केला जात आहे, तसेच सदर आजारावरील औषधांचा मुबलक साठा ग्रामीण रुग्णालयात आहे, नागरिकांनी उकडून पाणी घ्यावे, आहारात पालेभाज्यांचा वापर करावा, डॉक्टरांचा सल्ला घ्यावा. डॉ .पी.पी.गेडाम, वैद्यकीय अधिकारी, ग्रामीण रुग्णालय सावली,ता.सावली
