क्रांतीज्योती सावित्रीबाई फुले जयंती उत्साहात साजरी
मूल:- 3 जानेवारी 2025 रोजी शिक्षण प्रसारक मंडळ संचालित नवभारत विद्यालय मुल येथे क्रांतीज्योती सावित्रीबाई फुले यांची जयंती साजरी करण्यात आली. कार्यक्रमाचे अध्यक्ष विद्यालयाचे मुख्याध्यापक अशोकराव झाडे तसेच प्रमुख अतिथी म्हणून विद्यालयाच्या पर्यवेक्षिका सौ वर्षा भांडारकर, ज्येष्ठ शिक्षक गुरुदास चौधरी , ज्येष्ठ शिक्षिका कु. प्रतिमा उमक , कु.दीपा गोंगल , कु.माधुरी तलांडे तसेच सर्व शिक्षक उपस्थित होते.कार्यक्रमाच्या सुरुवातीला क्रांतीज्योती सावित्रीबाई फुले आणि क्रांतीसुर्य महात्मा ज्योतिबा फुले यांच्या प्रतिमेचे पूजन तथा दीपप्रज्वलन शाळेचे मुख्याध्यापक तसेच सर्व शिक्षक वृंद यांच्या हस्ते करण्यात आले. त्यानंतर विद्यार्थीनी सुंदर सुमधुर आवाजात स्वागत गीत सादर केले. सर्व शिक्षकवृंदाचे विद्यार्थ्यांनी पुष्पगुच्छ देऊन आनंददाही वातावरणात स्वागत केले.
कार्यक्रमाचे प्रास्ताविक विद्यार्थी प्रतिनिधी कु. तनश्री उपरीकर हिने केले. त्यानंतर अनेक विद्यार्थ्यांनी क्रांतीज्योती सावित्रीबाई फुले यांच्या जीवनावर आधारित भाषणे दिली. वर्ग आठवी ची विद्यार्थिनी कुमारी भाग्यश्री चिंचोलकर हिने क्रांतीज्योती सावित्रीबाई फुले यांच्या जीवनावर एकांकिका सादर केली. क्रांतिज्योती सावित्रीबाई च्या अथक परिश्रमुळे स्त्रि शिक्षित झाल्याने देशाच्या विकासाला हातभार लागून देश प्रगतीपथावर जात आहे..असे प्रमुख अतिथी म्हणून सौ.भांडारकर यांनी आपल्या भाषणातून सांगितले. अध्यक्षीय भाषणात मुख्याध्यापक श्री अशोक झाडे यांनी क्रांतीसुर्य महात्मा फुले, क्रांतीज्योती सावित्रीबाई फुले यांनी समस्त भारतातील स्त्री शिक्षणाकरिता शिक्षणाचे द्वारे खुले करून स्त्रीमुक्तीचा लढा दिला. अहोरात्र परिश्रम घेऊन भारतातील पहिली शाळा 1 जानेवारी 1848 पुण्याच्या भिडे वाड्यामध्ये काढली असे सांगितले.
कार्यक्रमाचे सूत्रसंचालन विद्यार्थी प्रतिनिधी कु.तेजश्री शेरकी आणि अक्षरा चौधरी हिने केले. उपस्थितांचे आभार कु.रिद्धी गौरकर हिने मानले.या कार्यक्रमाला सर्व शिक्षक वृंद, शिक्षकेतर कर्मचारी, विद्यार्थी, विद्यार्थिनी बहुसंख्येने उपस्थित होते.
