राज्याचे काँग्रेस विधिमंडळ नेते तथा ब्रम्हपुरी विधानसभा क्षेत्राचे लोकप्रिय आमदार माननीय श्री विजयभाऊ वडेट्टीवार यांच्या प्रयत्नना यश
सावली प्रतिनिधी रोशन बोरकर
सावली :- दिनांक – २०/१२/२०२५ विविध सेवा सहकारी संस्थेचे अध्यक्ष श्री खुशाल लोडे यांच्या सततच्या पाठपुराव्यामुळे चिमुर, सिंदेवाही, पाथरी, पालेबारसा, निफंद्रा, व्याहाड, गडचिरोली महामंडळाची एसटी बस दिनांक २५ आगस्ट २०१० पासून नियमित सुरु होती. परंतु मागील ८ ते १० महिन्यापासुन बस बंद करण्यात आली होती.
याबाबतीत दिनांक २४ नोव्हेंबर २०२५ ला परिवहन मंत्री, परीवहन आयुक्त आणि विभाग नियंत्रक चंद्रपूर यांना बस सुरु करण्यासाठी पत्राद्वारे मागणी रेटून धारली. राज्याचे काँग्रेस पक्षाचे विधिमंडळ पक्षनेते माननीय श्री विजय भाऊ वडेट्टीवार दोन दिवसापूर्वी चंद्रपूर जिल्ह्याच्या दौऱ्यावर असताना चंद्रपूर येथील विभाग नियंत्रकाला फोन द्वारे संबंधित बस सेवा सुरू लवकरात लवकर सुरू करावी अशा सूचना दिल्या.
त्यांच्या सूचनांचा पालन करून २३ डिसेंबर २०२५ रोजी चिमूर सिंदेवाही पाथरी पालेबारसा निफंद्रा व्याहाड गडचिरोली मार्गे बस सुरू करण्यात येईल अशा आशयाचे पत्र महाराष्ट्र राज्य मार्ग परिवहन महामंडळ विभाग चंद्रपूर च्या वतीने २०- १२ -२०२५ रोजी श्री खुशाल लोडे अध्यक्ष विविध सेवा सहकारी संस्था यांचे नावे पत्र काढून बस सुरू करण्यात येईल असे कळविण्यात आले. राज्याचे विधिमंडळ पक्षनेते तथा लोकप्रिय आमदार माननीय श्री विजय भाऊ वडेट्टीवार साहेब यांच्या प्रयत्नामुळे आणि श्री खुशाल लोडे यांच्या पाठपुराव्यामुळे बंद झालेली बस पुन्हा पूर्ववत सुरू होत आहे.
