नुकसानग्रस्त शेतकऱ्या ला आमदार विजय वडेट्टीवार यांचा मदतीचा हात
आकापूर येथील घटना २ एकर शेतीचे पुंजने आगीत जळून खाक
सावली प्रतिनिधी रोशन बोरकर
सावली – दिनांक ०६/१२/२०२५ सावली तालुक्यातील मौजा. आकापूर येथे घडलेल्या दुर्दैवी घटनेत पांडुरंग यादव चालीरवार या गरीब शेतकऱ्याच्या दोन एकर शेतीच्या पुंजन्याला अचानक लागलेल्या आगीने मोठे नुकसान झाले. शेतीत तयार झालेले पिक पूर्णपणे जळून खाक झाले असून शेतकरी पूर्णपणे हतबल झाला आहे.शेतीशिवाय दुसरा कोणताही जोडधंदा नसल्याने शेतकरी पांडुरंग यादव चालीरवार यांच्यावर मोठे आर्थिक संकट कोसळलेले आहे.
घटनेची माहिती सावली तालुका काँग्रेस कमिटीचे अध्यक्ष नितीन गोहने व महिला तालुका अध्यक्ष उषा भोयर यांनी काँग्रेस विधिमंडळ गटनेते, लोकलेखा समिती अध्यक्ष म.रा.तथा ब्रम्हपुरी विधानसभा क्षेत्राचे आमदार विजयभाऊ वडेट्टीवार साहेब यांना माहिती दिली.आमदार विजयभाऊ वडेट्टीवार यांनी पुढाकार घेत शेतकऱ्याला तात्काळ आर्थिक मदत जाहीर केली. आमदार विजयभाऊ वडेट्टीवार यांनी सावली तालुका काँग्रेस कमिटीच्या एका शिष्टमंडळाला पाठवून शेतकऱ्याच्या परिस्थितीची पाहणी केली.सदर शिष्टमंडळाने पांडुरंग यादव चालीरवार यांना दिलासा दिला आणि भविष्यातही आवश्यक ते सर्व सहकार्य करण्याचे आश्वासन दिले.
शेतकऱ्याचे पिक होण्याच्या उंबरठ्यावर असतानाच झालेल्या या नुकसानीमुळे कुटुंबावर मोठे संकट कोसळले होते. मात्र आमदारांच्या मदतीमुळे शेतकऱ्याला काहीसा दिलासा मिळाला आहे.स्थानिक नागरिकांनीही ही मदत वेळेत मिळाल्याबद्दल समाधान व्यक्त केले असून अशा प्रसंगात लोकप्रतिनिधींनी पुढे येण्याचे कौतुक केले आहे.
याप्रसंगी आर्थिक मदत देताना सावली तालुका काँग्रेस कमिटीचे अध्यक्ष नितीन गोहने,महिला तालुका अध्यक्ष उषा भोयर,सरपंच ममता गुरुनुले,गेवरा बुज येथील उपसरपंच टिलक वाढणकर,ग्राम काँग्रेस अध्यक्ष आकापूर देविदास बारसागडे,जेष्ठ कार्यकर्ते विजय खोब्रागडे,जास्वंदा खोब्रागडे,संदीप सायत्रावार आदी उपस्थित होते.
