सावली येथे साथी प्रणाली बाबत कृषी केंद्र धारकांचे प्रशिक्षण
सावली प्रतिनिधी रोशन बोरकर
सावली– दिनांक २९/०९/२०२५ तहसील कार्यालय सभागृह सावली येथे कृषी विभागातर्फे रब्बी हंगामाची तयारी सभा तथा साथी प्रणाली प्रशिक्षनाचे आयोजन करण्यात आले. या प्रसंगी सावली तालुक्यातील कृषि निविष्ठा विक्रेते यांचे समवेत कृषि निविष्ठा वितरण व गूण नियंत्रण बाबत विविध मुद्द्यांवर चर्चा करण्यात आली.
येत्या रब्बी हंगामापासून केंद्र सरकारच्या साथी पोर्टल अॅपद्वारे बियाणे विक्री केली जाणार आहेत. त्या अनुषंगाने कृषी निविष्ट विक्रेत्यांना मार्गदर्शन आणि प्रशिक्षण देण्यात आले. बैठकीचे अध्यक्ष स्थानी कृषि निविष्ठा विक्रेते संघांचे अध्यक्ष श्री अजय पोटवर हे होते.
साथी पोर्टल मुळे बोगस बियाण्यांची विक्री, साठेबाजी व अधिक दराने विक्री अश्या दराने बियाणे विक्री अश्या गैर प्रवृत्तीना आळा बसणार आहे. त्यामुळे शेतकऱ्यांची फसवणूक होणार नाही, असे मोहीम अधिकारी अधिकारी श्री एल. ए. कटरे यांनी यांनी स्पष्ट करून उपस्थित विक्रेते यांना प्रक्षेपका द्वारे प्रनाली वापरा बाबत प्रशक्षण दिले. तसेच कृषी विक्रेत्यांच्या शंकांचे निराकरण केले. तालुका गूण नियंत्रण निरीक्षक दिनेश पानसे यांनी कृषि निविष्ठा केंद्र संचालन बाबत माहीती देऊन महावीस्तार अँप डाउनलोड करून शेतकऱ्यांना त्याबाबत माहीती देण्याबाबत कृषि केंद्र धारकांना आव्हान केले. याप्रसंगी जिल्हा गूण नियंत्रण अधिकार एस. एम. बोडे तालुका कृषी अधिकारी ललित राऊत तसेच तालुक्यातील बहुसंख्य कृषि केंद्र धारक उपस्थित होते.
